A description of your site http://tamilsway.com/ Your copyright information இன்ரர்நெட் உலகத்தையே ஆட்டிப் படைக்கும் கூகுள் நிறுவனம், உலகின் முதல்தர தேடுபொறியாக உள்ளது. இந் நிறுவனம் பல பில்லியன் டாலர்களைச் செலவுசெய்து புதுப் புது தொழில் நுட்ப்பத்தைக் கண்டு பிடிக்கிறது. இதன் ஒருவடிவமாக கூகுள் கண்ணாடியை அது கண்டுபிடித்துள்ளது. இக் கண்ணாடி 2012ம் ஆண்டு இறுதியில் விற்பனைக்குவர உள்ளது. கம்பியூட்டர் செயல்பாடுபோல இயங்கும் இக் கண்ணாடியில் உள்ள அம்சங்களே தனி. இதில் ஜி.பி.எஸ் என்னும் செயற்கைக்கோள்(சட்டலைட்) வழிநடத்தல் இருக்கிறது. இதனூடாக நடை பயணிகள் ஒரு சாலையை அல்லது வீட்டி இலகுவாகக் கண்டுபிடிக்க முடியும். வீடியோ படம் எடுக்க முடியும். எடுத்த படத்தை நன்பர்களுக்கு 1 செக்கனில் அனுப்பவும் முடியும். அதுமட்டுமா ! நான் சொல்லும் கட்டளைகளை அது நிறைவேற்ற வல்லது. படம் எடு என்று மட்டும் சொன்னால் போதும் அது உடனே படம் எடுக்க ஆரம்பித்துவிடும். 4ம் தலைமுறை இன்ரர்நெட் வசதிகொண்டதாக அது அமைந்துள்ளது. சிறந்த தேடுபொறியாகவும் அதனைப் பயன்படுத்தலாம் மோபைல் தொலைபேசி உள்ளது. அழைக்கும் நபரின் உருவம் கண்ணாடியில் தோன்றும். பிறிதொருவர் இதேபோல ஒரு கண்ணாடியை அணிந்திருந்தால், அவர் உங்கள் நண்பராக இருந்தால் அதனையும் அது காட்டவல்லது. அந் நபர் எவ்வளவு தூரத்தில் இருக்கிறார் என்பதனைக் கூட அது துல்லியமாகக் காட்டிவிடும்.கூகுள் வெளிவிடும் இக் கண்ணாடி குறித்த காணொளியை இணைத்துள்ளோம். அதனைப் பார்த்தால் மீதம் விளங்கும். http://tamilsway.com/news_full_view.php?news_id=2740 கேள்வி நீண்டி நெடிய வரலாற்றையும், பண்பாட்டையும் தந்த தமிழனத்திற்கென்று திருமண முறை என்பது எப்படிப்பட்டதாக இருந்தது. அதேபோல தமிழருக்கென்று இறந்தவர்களுக்கு செய்யக் கூடிய காரிய முறை ஏதாவது இருக்கிறதா? பதில் நமக்கென்று சில முறைகள் இருக்கிறது. தமிழர் பண்பாடு, வேளாளர் முறை என்றெல்லாம் சங்ககால நூல்களில் கூறப்பட்டிருக்கிறது. இதில் பெரியவர்கள்தான் மிக மிக முக்கியம். மங்கள நாண் என்று சொல்கிறோமே தாலி, அந்த மங்கள நாணை பெரியவர்கள் கையால் எடுத்துக் கொடுப்பார்கள். பெற்றோர், அதாவது மணமகன், மணமகள் பெற்றோர், அதே நேரத்தில் அந்த பெற்றோருக்குப் பெற்றோர். தாத்தா, பாட்டி, பூட்டன் அவர்கள் கரங்களால் எடுத்துக் கொடுத்து, பிறகு மேள தாள வாத்தியங்கள் முழங்க சூட்டுவது என்பது வழக்கமாக இருந்ததுள்ளது. நடைமுறையில், நடுவில் ஆரியர்கள் வருகை. அதன்பிறகு பார்க்கும்போதுதான் அக்னி வளர்த்தால், மந்திரங்கள் ஜெபித்தல், வேத மந்திரங்கள் ஓதுதல் இதெல்லாம் வந்தது. அதற்கு முன்பு பார்த்தால் பெரியவர்கள் வாழ்த்து கூறுவார்கள். பதினாறும் பெற்று பெரு வாழ்வு வாழ்க என்று அவரவர்கள் மனதிற்கு பட்டதுபோல் வாழ்த்துக் கூறுவார்கள். நம்முடைய தமிழர் பண்பாட்டு முறை என்பது இதுதான். இதில் ஓதுவார்கள் இருப்பார்கள். அவர்கள் தேவாரம், திருவாசகம் ஓதுவார்கள். இதில், மங்கள நாண் பூட்டிய பிறகு பாட வேண்டிய பாடல் என்றெல்லாம் உண்டு. அந்தப் பாடல்களை அவர்கள் எல்லா வளங்களும் பெற்று வளமோடு வாழ வேண்டும் என்று பாடுவார்கள். இதுதான் முறையாக இருந்தது. இதில் வளர்பிறை அதிகமாக பார்க்கப்பட்டது. தமிழர் திருமணம் எல்லாம் வளர்பிறையை வைத்துதான், அதாவது சந்திரனை அடிப்படையாக வைத்து பார்க்கப்பட்டது. தேய்பிறையில் திருமணம் நிகழ்த்துவதில்லை. அப்பொழுது நெருப்பு வளர்க்கிறதோ, தீ வளர்க்கிறதோ, வேதங்கள் ஓதுவதோ அதெல்லாம் இல்லாமல் இருந்தது. இது நடுவில் வந்ததுதான். அதேபோல, அடக்கம் செய்வது என்று பார்த்தீர்களானால், ஈமச் சடங்கு செய்வது, திருமூலர் தன்னுடைய திருமந்திரப் பாடல்கள் சொல்லியிருக்கிறார். யாரையுமே எரிக்கக் கூடாது. அடக்கம்தான் செய்ய வேண்டும் என்று அவர் சொல்கிறார். இப்பவும் சில சமூகங்களைச் சேர்ந்தவர்கள் அடக்கம்தான் செய்கிறார்கள். கல் உப்பு இருக்கிறதல்லவா, அதை பரப்பி, உயிர் நீத்தாரை அமர்ந்த நிலையில் வைத்து பத்மாசனம் என்று சொல்வார்கள் அந்த நிலையில் வைத்து, கிழக்கு நோக்கி முகம் இருப்பது போல் வைத்து சுற்றி விபூதிப் பெட்டகத்தால் நிரப்பி அடக்கம் செய்வார்கள். இதுதான் திருமூலர் சொல்லியிருக்கும் அடக்கம் செய்யும் முறை. இது, நம்முடைய எலும்புகள் சீக்கிரம் மண்ணோடு மண்ணாக மக்கி தாவரங்கள் முளைப்பதற்கான வழிவகைகளை கொடுக்கும். அதாவது எந்தவிதமான மாசும் படாமல். எரிக்கும் போது புகையெல்லாம் வருகிறது. இதனால் மாசுபடுகிறது. இந்த எரித்தலும் வேதம் ஓதுபவர்கள் வருகைக்கு பின்னர்தான் இந்தப் பழக்கமும் வந்தது. அதற்கு முன்பு எல்லாமே அடக்கம்தான். யாரையும் எரிப்பது என்பது கிடையாது. நடுவில் வந்ததுதான் எரிக்கும் பழக்கம். தமிழர்களுடையது அடக்கம் செய்வதுதான். அதற்கு சில பாடல்கள் தேவாரத்தில் இருந்து பாடுவார்கள். இவருடைய ஆன்மா முக்தி அடைய வேண்டும் என்று பாடி நல்லடக்கம் செய்வார்கள். இதுதான் முறையாக இருந்தது. காரியம் என்று சொல்கிறார்களே, 16வது நாள்… அது நீத்தார் நினைவு நாள். அதாவது 16வது நாள் என்பது என்ன? அந்த திதி வருவதுதான். எந்த ஒரு திதியாக இருந்தாலும் 14 நாள் கழித்து வந்துவிடும். அமாவாசைக்கு அடுத்த 14வது நாள் பெளர்ணமி. திதியை அடிப்படையாக வைத்துதான் அந்த நினைவு நாளை கடைபிடித்தார்கள். http://tamilsway.com/news_full_view.php?news_id=2739 வடக்கு ஆப்கானிஸ்தானிலுள்ள மாகாணம் ஒன்றில் இன்று மதியம் தற்கொலைப்படையினர் நடத்திய தாக்குதலில் 10 பேர் உடல் சிதறி பலியாகினார்.மேலும் 26 பேர் காயமடைந்தனர் என ஆப்கானிஸ்தானிய அதிகாரிகள் தரப்பு தெரிவித்துள்ளது. இதுகுறித்து காவல்துறை செய்தித் தொடர்பாளர் லால் முகமது அகமது ஜாய் கூறியதாவது- பர்யாப் மாகாணத் தலைநகர் மைமனாவில் மனித வெடிகுண்டு ஒருவன் வெடிகுண்டுகளை கட்டியபடி, மோட்டார் சைக்கிளில் வந்து தன்னைத்தானே வெடிக்கச் செய்துள்ளான். இதில் 4 போலீஸ் அதிகாரிகள், இரு குழந்தைகள், இரண்டு பெண்கள் உள்பட 10 பேர் உடல் சிதறி பலியாயினர். காயமடைந்த 26 பேரும் அருகிலுள்ள மருத்துவமனையில் சேர்க்கப்பட்டுள்ளனர். இவ்வாறு அவர் கூறினார். இந்த தாக்குதல் யாரை குறிவைத்து நடத்தப்பட்டது என்பது தெரியவில்லை. ஆப்கானிஸ்தானில் இந்த ஆண்டு நேட்டோ படையினர் மீது நடத்தப்பட்ட தாக்குதலில், இதுவரை 96 வீரர்கள் கொல்லப்பட்டுள்ளனர் என்றும், அதில் 56 வீரர்கள் அமெரிக்க ராணுவத்தை சேர்ந்தவர்கள் என்றும் அங்கிருந்து வரும் தகவல்கள் தெரிவிக்கின்றன. http://tamilsway.com/news_full_view.php?news_id=2738 இந்துருவ பகுதியில் உள்ள ஹோட்டல் ஒன்றின் அறையில் ஜோடியாக தங்கி இருந்த ஆணும் பெண்ணும் தூக்கில் தொங்கப்பட்ட நிலையில் சடலங்களாக மீட்கப்பட்டு உள்ளனர்.இருவரும் கள்ளக் காதலர்கள் ஆவர். திருமணத்துக்கு பின்னர் கள்ள தொடர்பில் இருந்து வந்து இருக்கின்றனர்.இவர்கள் தற்கொலை செய்து இருக்கின்றார்கள்.கொஸ்கொட பொலிஸ் நிலைய பொலிஸார் புலனாய்வு விசாரணைகளை முடுக்கி விட்டுள்ளார்கள். http://tamilsway.com/news_full_view.php?news_id=2737 பிரதமருக்கு ராணுவ தளபதி வி.கே.சிங் எழுதிய கடிதம் நாளிதழில் வெளியான விவகாரத்தால்மத்திய அரசுக்கு மேலும் பிரச்சனை ஏற்பட்டுள்ளது. இதனால் வி.கே. சிங்கைகட்டாயவிடுப்பில் செல்லுமாறு வலியுறுத்தலாம் என்று கூறப்படுகிறது. ராணுவவிவகாரம் குறித்து ராணுவ தளபதி வி.கே. சிங் பிரதமர் மன்மோகன் சிங்கிற்கு கடிதம்ஒன்றை எழுதியுள்ளார். ஆனால் அந்த கடிதத்தின் விவரம் நேற்று ஒரு நாளிதழில் வெளியானதுமத்திய அரசை அதிர்ச்சிக்குள்ளாக்கியுள்ளது. இந்த விவகாரம் நேற்றுநாடாளுமன்றத்திலும் தலைதூக்கியது. அரசியல் கட்சிகள் ராணுவ தளபதியை பதவி நீக்கம்செய்யுமாறு வலியுறுத்தின. அரசியல் கட்சிகள் அவரை பதவி நீக்கம் செய்யவலியுறுத்தினாலும் மத்திய அரசு அவ்வாறு செய்யாது என்று தெரிகிறது. ஆனால் அவரைகட்டாயவிடுப்பில் செல்லுமாறு மத்திய அரசு வலியுறுத்தலாம் என்றுதெரிகிறது. கடித விவகாரம் வெளியானது குறித்து பாதுகாப்பு அமைச்சகம்விசாரித்து வருவதாக பாதுகாப்புத் துறை அமைச்சர் ஏ.கே. அந்தோணி தெரிவித்தார்.எதிர்கட்சி தலைவர் அருண் ஜேட்லி அந்தோணியிடம் கூறுகையில், ரகசியமாக வைக்க வேண்டியவிவகாரங்கள் எல்லாம் ஊடகங்களுக்கு கிடைக்கின்றன. இது போன்ற நடவடிக்கைகளைஅனுமதிக்கக் கூடாது என்றார். ராணுவ தளபதியை பதவி நீக்கம் செய்தால் அது தவறானஉதாரணமாகிவிடும். அப்படி செய்தால் பிற நாடுகள் நம்மைப் பற்றி என்ன நினைக்கும் என்றுஒரு அமைச்சர் கேள்வி எழுப்பினார். மற்றொரு அமைச்சர் கூறுகையில்,பாதுகாப்புத் துறை அமைச்சர் மூலமாக அல்லாமல் தானே பிரதமருக்கு நேரடியாக கடிதம்எழுதியதன் மூலம் ராணுவ தளபதி ஒழுங்கு விதிமுறைகளை மீறியுள்ளார். ஏற்கனவே வயதுவிவகாரத்தில் இது போன்று தான் நடந்து கொண்டார் என்றார். வி.கே. சிங்கின்பதவிக்காலம் வரும் மே மாதம் முடிகிறது என்பது குறிப்பிடத்தக்கது. http://tamilsway.com/news_full_view.php?news_id=2736 கொடூரமான யுத்தம் முடிந்த பின் நல்லிணக்கம் ஏற்படுவதை இலங்கை உறுதி செய்ய வேண்டும் எனக் கோரும் தீர்மானம் ஐ.நா. மனித உரிமைகள் பேரவையில் நிறைவேற்றியதையிட்டு முன்னாள் உலகத் தலைவர்கள் மகிழ்ச்சியடைந்துள்ளனர் என்று ஐ.நா.வின் மனித உரிமைகளுக்கான முன்னாள் ஆணையாளரும் அயர்லாந்தின் முன்னாள் ஜனாதிபதியுமான மேரி றொபின்சன் பி.பி.சி. சந்தேசயவுக்கு வழங்கியுள்ள பேட்டியில் கூறியுள்ளார். தன்மையான இந்தத் தீர்மானம் மேற்குலகால் கொண்டு வரப்பட்டதல்ல எனவும் இது ஒரு நாட்டை இழிவுபடுத்தும் நோக்கம் கொண்டதல்ல எனவும் அவர் குறிப்பிட்டுள்ளார். இந்தியா, நைஜீரியா போன்ற பெரிய நாடுகள் இந்த தீர்மானத்தை ஆதரித்தமை எமக்கு ஊக்கமளிப்பதாக உள்ளது எனவும் மேரி றொபின்சன் கூறியுள்ளார். நல்லிணக்கம் தொடர்பில் இலங்கை செய்ய வேண்டியவை இன்னும் உள்ளன என பெரும்பான்மையான அரசாங்கங்கள் உணர்கின்றன என்பதை ஏற்றுக்கொள்வது இலங்கையின் நலனுக்கு உகந்தது எனவும் அவர் குறிப்பிட்டுள்ளார். சர்வதேச மனித உரிமை நியமனங்களின்படி இலங்கையில் நடந்ததாகக் கூறப்படும் மனித உரிமை மீறல்கள் பாரதூரமனவை எனக் கூறியுள்ள மேரி றொபின்சன் அடுத்த வருடம் மீண்டும் ஐ.நா. மனித உரிமைகள் பேரவையின் கவனிப்புக்குள் வராமலிருக்க வேண்டுமாயின் இலங்கை இந்த தீர்மானத்துக்கு அமைந்து ஒழுகுவது நல்லது எனவும் வலியுறுத்தியுள்ளார். தமிழீழ விடுதலைப் புலிகள் இயக்கமும் பாரிய மனித உரிமை மீறல்களுக்கு காரணமாக இருந்தமை உண்மையே. எனினும் பொதுமக்களைப் பாதுகாப்பது எந்தவொரு நாட்டினதும் கடமையாகும். இந்த தீர்மானத்தை ஆதரித்த நாடுகளான இந்தியாவும் அமெரிக்காவும் புலிகளுடனான யுத்தத்தின் போது இலங்கைக்கு ஆயுதம் வழங்கிய நாடுகளாகின்றன. ஆயுதப் போட்டியின் கடுமை பற்றி, குறிப்பாக பேரழிவை உண்டாக்கும் ஆயுதங்களை வழங்குதல், ஆயுதங்களுக்காக செலவளிக்கப்படும் பணம், ஆயுதக் கடத்தல் பற்றி அவர்கள் கவலை தெரிவித்தனர். இருப்பினும் யுத்தம் நீண்டு கொண்டே போனதும் பொதுமக்கள் பாதுகாக்கப்படாமல் விடப்பட்டமையும் முக்கியமாகக் கவனிக்கப்பட வேண்டுமென முன்னாள் தலைவர்கள் கருதுவதாக மேரி றொபின்சன் மேலும் குறிப்பிட்டார். http://tamilsway.com/news_full_view.php?news_id=2735 இலங்கையின் நட்பு நாடுகள் வரிசையில் முதன்மை நிலையில் இருக்கும் நாடுகள் என்றால், அது சீனாவும் ரஷ்யாவும் தான். ஆனால் இந் நாடுகளின் சில சிறப்பு ஆயுதங்களைத் தான் விடுதலைப் புலிகள் பாவித்தும் உள்ளனர் என்ற அதிர்சித் தகவல்கள் தற்போது வெளிப்பட்டுக்கொண்டு இருக்கிறது. சரணடைந்துள்ள பல போராளிகள் இன்னும் இரகசிய தடுப்பு முகாம்களில் இருப்பதும், அவர்களை இலங்கை இராணுவம் கடும் சித்திரவதைகளுக்கு உள்ளாக்கி அவர்களிடம் இருந்து தகவல்களைப் பெற்றுவருகிறது. ரஷ்யாவிடமிருந்து கொள்வனவு செய்யப்பட்ட விமான எதிர்ப்பு ஏவுகணைகளைக் கொண்டே இலங்கை விமானப்படைக்குச் சொந்தமான ஹெலிக்கெப்டர் மற்றும் விமானம் ஒன்றின் மீதும் தமிழீழ விடுதலைப் புலிகள் தாக்குதல் நடத்தினர் என்பது பயங்கரவாத தடுப்புப் பிரிவினரின் விசாரணைகளிலிருந்து தெரிய வருவதாகச் செய்திகள் தற்போது, வெளிவந்துள்ளன. 1998 ஆம் ஆண்டு செப்டம்பர் மாதம் 29 ஆம் திகதி தமிழீழ விடுதலைப் புலகளினால் நடத்தப்பட்ட தாக்குதல் காரணமாகவே �லயன் எயர்� விமானம் தாக்குதலுக்கு இலக்கானது. இந்தத் தாக்குதலுக்கு ரஷ்ய ஏவுகணையே பயன்படுத்தப்பட்டுள்ளது. இந்த விமானம் மீது தாக்குதல் நடத்தியவர் தற்போது கைது செய்யப்பட்டுள்ளார் என அதிர்வு இணையம் அறிகிறது. அதேபோன்று 2000 ஆம் ஆண்டு மார்ச் மாதம் 30 ஆம் திகதி சுட்டு வீழத்தப்பட்ட இலங்கை விமானப்படைக்குச் சொந்தமான �அன்டனோ� விமானத் தாக்குதலுக்கும் ரஷ்ய ஏவுகணைகளே பாவிக்கப்பட்டன. இந்த விமானத்தின் மீது தாக்குதல் நடத்தியவர்களில் இருவர் தற்போது கைது செய்யப்பட்டுள்ளனர். இவர்கள் வேறு சில விமானங்கள் மீதும் தாக்குதல் நடத்தியிருந்தமையும் விசாரணைகளிலிருந்து தெரிய வருவதாகச் செய்திகள் தெரிவிக்கின்றன. இவர்கள் இருவரும் அநுராதபுரம் நீதிமன்றத்தில் ஆஜர்படுத்தப்பட்டதுடன் விமானம் மீது தாக்குதல் நடத்துவதற்குப் பயன்படுதத்திய ஏவுகணையின் சிதைந்த பாகங்களும் நீதிமன்றத்தில் காண்பிக்கப்பட்டன என்றும் அந்தச் செய்திகள் தெரிவிக்கின்றன. கொண்டுசெல்லப்படக்கூடிய மற்றும் தரையில் இருந்து வானை நோக்கித் தாக்கக்கூடிய இந்த ரக ஏவுகணைகளை சாம்- 7 என்று அழைப்பது உண்டு. 2000 ஆண்டுக்குப் பின்னர் விடுதலைப் புலிகளுக்கு கிடைக்கப்பெற்ற விமான எதிர்ப்பு ஏவுகணைகள் பல போலியானவை என அவற்றைப் பாவிக்கும்போதே புலிகள் உணர்ந்துகொண்டனர். போலியான விமான எதிர்ப்பு ஏவுகணைகளை அமெரிக்க உளவு நிறுவனம் புலிகளுக்கு வேண்டும் என்றே விற்றது என்பது போன்ற குற்றச்சாட்டுகளும் சில வருடங்களுக்கு முன்னர் முன்வைக்கப்பட்டது, என்பது குறிப்பிடத்தக்க விடையமாகும் http://tamilsway.com/news_full_view.php?news_id=2734 ஜனாதிபதி மஹிந்த ராஜபக்ஸவின் மக்கள் செல்வாக்கின் தற்போதைய நிலையை அறிகின்றமைக்காக இரகசிய கருத்து கணிப்பு ஒன்று வெகு விரைவில் ஆரம்பமாக உள்ளது.ஜனாதிபதியின் நேரடி அறிவுறுத்தலுக்கு அமைய தேசிய புலனாய்வுப் பிரிவின் பிரதிப் பொலிஸ் மா அதிபர் சந்திர வகிஷ்ட இன் வழிகாட்டலில் தேசிய புலனாய்வுப் பிரிவினர் இக்கருத்துக் கணிப்பை மேற்கொள்ள உள்ளார்கள்.ஜனாதிபதியின் சிரேஷ்ட ஆலோசகர்களில் ஒருவரான சுனில் பெர்ணாண்டோ கருத்துக் கணிப்பை அவதானிப்பார்.எரிபொருட்களின் விலைவாசி உயர்வு, ஜெனிவாவில் இலங்கைக்கு எதிராக நிறைவேற்றப்பட்ட தீர்மானம் ஆகியன ஜனாதிபதியின் செல்வாக்கில் எத்தகைய தாக்கத்தை ஏற்படுத்தி இருக்கின்றன? என்பதை கண்டு அறிகின்றமையே இக்கருத்துக் கணிப்பின் நோக்கம். ஜனாதிபதியின் செல்வாக்கு, எதிர்க் கட்சிகளின் பலம், அரசின் பிரபல்யம் ஆகியன சம்பந்தமான வினாக்கள் வினவப்பட இருக்கின்றன.இக்கருத்துக் கணிப்பின் முடிவை அடிப்படையாக கொண்டு ஜனாதிபதியின் எதிர்கால அரசியல் நடவடிக்கைகள் முன்னெடுக்கப்பட உள்ளன.இக்கருத்துக் கணிப்பை வட மாகாணத்தில் நடத்த தேவை இல்லை என்றும் கருத்துக் கணிப்பு அறிக்கையை நான்கு வாரங்களுக்கு இடையில் சமர்ப்பிக்க வேண்டும் என்றும் ஜனாதிபதி அறிவித்து உள்ளார். http://tamilsway.com/news_full_view.php?news_id=2733 கருவறையும் இருட்டு கல்லறையும் இருட்டு நடுவுல நமக்கு எதுக்குடா கரண்டு... http://tamilsway.com/news_full_view.php?news_id=2732 நடிகர் பிரகாஷ்ராஜீக்கு நேற்றைய தினம்(26-03-12) பிறந்த நாளாகும். இந்த பிறந்தநாளை படப்பிடிப்பில்,படக்குழுவினருடன் கொண்டாடியுள்ளார். நடிகர், தயாரிப்பாளர் மற்றும் இயக்குநர் என்ற பலமுகங்கள் கொண்ட பிரகாஷ் ராஜ் தற்போது இயக்குனர் வின்செண்ட் செல்வா இயக்கி வரும் ”துள்ளி விளையாடு” படத்தில் முக்கிய கேரக்டரில் நடித்துவருகிறார். இதில் கதாநாயகனாக புதுமுகம் யுவராஜ் அறிமுகமாகிறார். இப்படத்தின் படப்பிடிப்பு சென்னை அருகேயுள்ள கிழக்கு கடற்கரை சாலையில்(ECR) நடந்து வருகிறது. இந்த படப்பிடிப்பில் நடிகர் பிரகாஷ்ராஜீம் கலந்து கொண்டு நடிக்கிறார். அப்போது பிரகாஷ் ராஜீன் பிறந்த நாளை மனதில் கொண்டு, அவருக்கே தெரியாமல் சஸ்பென்ஷாக கேக் எல்லாம் ஆர்டர் பண்ணி படக்குழுவினர் வைத்திருந்தனர். பின்னர் பிரகாஷ்ராஜை அழைத்து கேக் ‌வெட்ட வைத்து, அவருடைய பிறந்தநாளை சூட்டிங் ஸ்பாட்டிலேயே கொண்டாடி மகிழ்ந்துள்ளனர் படக்குழுவினர். http://tamilsway.com/news_full_view.php?news_id=2731